0

​នូ ស៊ីថា ល្បី​ជា​មេ​គយ​ប្រព្រឹត្ត​អំពើ​មិន​ធម្មតា​ចេញពី​ដូង​៧​ដើម​មក​គ្រប់​ទឹក នៅ​ខេត្ត​ត្បូងឃ្មុំ មិនគួរ​អង្គភាព​ប្រឆាំង​អំពើពុករលួយ​មើលរំលង​នោះទេ !

ខេត្ត​ត្បូងឃ្មុំ​ ៖ ក្រុម​មន្ត្រី​គយ និង​ឈ្មួញ​មួយចំនួន​ដែល​រកស៊ី  ដឹក​ទំនិញ​គេច​ពន្ធ​និង​ដឹក​បទល្មើស ព្រៃឈើ​កំប៉ិចកំប៉ុក​បាន​ទម្លា​យ  ឱ្យ​ការិយាល័យ​របស់​យើង​ដឹង​ថា  ថ្មីៗ​នេះ​ប្រធាន​ការិយាល័យ​គយ  និង​រដ្ឋាករ​ច្រកទ្វារ​ដូង ៧​ដើម  ដែល​ទើប​ផ្លាស់​មក​កាន់​ជា​មេ  សាខាគយ​ខេត្ត​ត្បូងឃ្មុំ​នោះ ហាក់​កំពុង​ត្រូវប៉ាន់​ឡើង​យីអ៊ុន បំផុត ដែល​ករណី​ប្រព្រឹត្ត​អំពើ ពុករលួយ​របស់គាត់​គឺ​កំពុងតែ ល្បីល្បាញ​តែ​ខាង​គាប​ជម្រិត មន្ត្រី​ជំនាញ​ខាង​ក្រោម​ឱវាទ​ឱ្យ  បង់លុយ​ប៉ុស្តិ៍​គោលដៅ​មកឱ្យ  ខ្លួន​និង​គាប​ក​ក្រុម​ឈ្មួញ​បទល្មើស សេដ្ឋកិច្ច​និង​មេ​ឈ្មួញ​បទល្មើស ព្រៃឈើ​មួយចំនួន​ឱ្យ​ចូល​បង់ លុយ​ជើង​លុយ​ខែ​មួយ​ចំនួន​យ៉ាង គ្រប់ទឹក​បំផុត​មិនគួរបើ​អង្គភាព ប្រឆាំង​អំពើពុករលួយ​មើលរំលង  នោះទេ ។​

​មិនតែប៉ុណ្ណោះ ចាប់តាំងពី​ពេលដែល​លោក នូ ស៊ីថា អតីត  ជា​ឈ្មួញ​រកស៊ី​ឈើ​និង​ជា​មេ​គយ  ប្រចាំ​ច្រក​ដូង​៧​ដើម បាន​រត់ការ ឡើង​ធ្វើ​ជា​ប្រធាន​សាខាគយ និង​រដ្ឋាករ​ប្រចាំ​អាណាចក្រ​ខេត្ត ត្បូងឃ្មុំ ជា​តំបន់​សេដ្ឋកិច្ច​ពេល ណា​មក គឺ​ក្រុម​ឈ្មួញ​ទាំងអស់  បាន​ប្រមូលគ្នា​មក​ដឹកជញ្ជូន​បទ ល្មើស​សេដ្ឋកិច្ច​នៅ​តាម​ច្រក របៀង​និង​តាម​ច្រក​អន្តរជាតិ​ក្នុង  ខេត្ត​នេះ​យ៉ាង​ផុលផុស​បំផុត ។​

​តាម​ក្រុម​ឈ្មួញ​និង​មន្ត្រី​លើក  ឡើង​ថា ថ្មីៗ​នេះ​មាន​ការដឹក ជញ្ជូន​ឈើ​ខុសច្បាប់​និង​ការហូរ ចូល​ទំនិញ​បង់ពន្ធ​មិន​គ្រប់​ដែល គេ​សង្កេតឃើញ​លោក នូ ស៊ីថា  បាន​ប្រើ​ឥទ្ធិពល​របស់​ខ្លួន​ប្រៀប បាន​នឹង​ស្តេចត្រាញ់​ក្តោប​ប្រភព ចំណូល​សេដ្ឋកិច្ច​យ៉ាង​ណែន ពេញ​ដៃ មិន​ដែល​ក្រែង​ញញើត   ពី​ការ​រឹតបន្តឹង​របស់​អង្គភាព ប្រឆាំង​អំពើពុករលួយ​នោះទេ ។  ហើយ​ឈ្មួញ​ទាំង​តូច​ទាំង​ធំ​សុទ្ធ តែ​ញាក់សាច់​គ្រប់ៗ​គ្នា​មិន​សូវ ហ៊ាន​ក្អក​ជាមួយ​លោក នូ ស៊ីថា  ដែល​ជា​មេ​គយ​ដ៏​មហិមា​ប្រចាំ ខេត្ត​ត្បូងឃ្មុំ​នោះទេ ។​

​មិនតែប៉ុណ្ណោះ​មន្ត្រី​តូចតាច  មួយចំនួន​បាន​រអ៊ូរទាំ​ថា កាលពី  មុន​ពួកគេ​អាច​រក​ចំណូល​ពី​ការ ងារ​កំប៉ិកកំប៉ុក តាមរយៈ​ការ បន្តក់​ពី​ក្រុម​ឈ្មួញ​រកស៊ី​ដឹកជញ្ជូន ឈើ និង​ឈ្មួញ​នាំចូល​ទំនិញ​បង់  ពន្ធ​មិន​គ្រប់គ្រាន់​រួច​ថ្លៃ​បាយ​ឬ ទុក​ផ្ញើឱ្យ​ប្រពន្ធ​កូន​រៀងរាល់ ពេល​ដាច់​ខែ​បាន​ខ្លះៗ ។ ប៉ុន្តែ ចាប់តាំងពី​ពេលដែល​រាជ​រដ្ឋា​ភិ បាល​ប្រកាស​បង្កើត ខេត្ត​ត្បូងឃ្មុំ  ហើយ​លោក នូ ស៊ីថា ក៏បាន  ចាយ​លុយ​តូ​រត់​ការឡើង​ធ្វើជា  ប្រធាន​សាខាគយ​ខេត្ត​ត្បូងឃ្មុំ​ថ្មី នោះ​ដែល​គេ​ដឹងថា ជា​ប្រភព  ចំណូល​គ្រប់បែបយ៉ាង​មិនចេះ រីងស្ងួត និង​ត្រូវ​លោក នូ ស៊ីថា  ក្តោប​យ៉ាង​ណែន​ពេញដៃ​មិនឱ្យ របូត​ដល់ដៃ​មន្ត្រី​តូចតាច​នោះ​ទេ  ហើយ​ជា​ធម្មតា​លោក នូ ស៊ីថា  បាន​ប្រើប្រាស់​លោក យឹម វណ្ណៈ  ជា​មេ​គយ​ច្រក​ដូង​៧​ដើម​ជា  សេនាធិការ ឱ្យ​កាន់​ការងារ   សេដ្ឋកិច្ច​ប្រមូល​លុយ​យក​ទៅ ចែក​គ្នា​ធ្វើ​មាន​ធ្វើ​បាន​យ៉ាង​ក្រ​- អឺត​ក្រ​ទ​ម ។​

​បើ​តាម​ក្រុម​អ្នករកស៊ី​ដឹក​ជញ្ជូន​ឈើ​ខុសច្បាប់​មួយចំនួន បានឱ្យដឹងថា លោក នូ ស៊ីថា បាន​តាំងខ្លួន​ជា​ស្តេចត្រាញ់​ដ៏ មាន​ឥទ្ធិពល​ប្រចាំ​ច្រក​ដូង​៧  ដើម​យ៉ាង​ល្បី​ខាង​គោះ​គាប​ជំរិត លើ​ខ្នង​អាជីវករ​ក្រុម​ឈ្មួញ​និង គៃបំបាត់​ពន្ធ​រដ្ឋ​ជា​យូរ​ឆ្នាំ​មក ហើយ ។​

​ហើយ​ដើម្បី​ទប់ស្កាត់​ការ​បែកធ្លាយ​ព័ត៌មាន​អាស្រូវ​នោះ  លោក នូ ស៊ីថា ក៏​បាន​ពង្រីក អំណាច​កាន់តែ​ខ្លាំង បន្ទាប់​ពី ឡើង​តំណែង​ជា​មេ​គយ​ខេត្ត ត្បូងឃ្មុំ​ពេញ​ផ្ទៃ ហើយ​នោះ​គឺ  លោក នូ ស៊ីថា ដែល​ជា​អតីត  ជា​ឈ្មួញ​រកស៊ី​ឈើ​និង​មាន​ខ្នង បង្អែក​ក្រាស់ ពី​លោក​ឧកញ៉ា  លឹម ប៊ុន​ណា ហៅ​ខ្នា ដែលជា ឈ្មួញ​រកស៊ី​ឈើ​ធំជាងគេ​ប្រចាំ ភូមិភាគ​ឦសាន​ផង​នោះ ទើប ធ្វើឱ្យ​លោក នូ ស៊ីថា ឡើង​ដៃ គាប​ជម្រិត​ជាន់​.​ក​ឈ្មួញ​ប្រព្រឹត្ត អំពើ​ពុករលួយ​យ៉ាង​ពេញបន្ទុក​។​

​ជាងនេះទៅទៀត ក្រុមមន្ត្រី​ក៏​មាន​ការបញ្ជាក់​ផងដែរ​ថា ពីមុន​ឈ្មួញ​រកស៊ី​ឈើ​ទាំង​តូច​ទាំង ធំ​ជា​ពិសេស​លោក​ឧកញ៉ា លឹម  ប៊ុន​ណា ហៅ​ខ្នា បាន​បែងចែក ផលប្រយោជន៍​ឱ្យ​មន្ត្រី​តូចតាច គ្រាន់​បាន​រស់​ខ្លះ តែ​ឥឡូវ​លោក  នូ ស៊ីថា បាន​ក្តោប​ចំណូល​ទាំង  អស់​ឡើង​មូល​ដូច​បាល់​ធ្វើឱ្យ​មន្ត្រី គយ​ជា​ច្រើន​មិន​សប្បាយចិត្ត នោះទេ ។​

​ផ្ទុយទៅវិញ ក្រៅពី​ប្រើ​ជំនាញ​គាប​គោះ​ទៅលើ​ក្រុម​ឈ្មួញ យ៉ាង​ស្ទាត់ជំនាញ​ហើយ​នោះ  គឺ នូ ស៊ីថា ក៏​បាន​គៀងគរ​ហៅ​ក្រុម​ឈ្មួញ បទល្មើស​ព្រៃឈើ​និង បទល្មើស​សេដ្ឋកិច្ច​ស្ទើរ​គ្រប់ ប្រភេទ​ឱ្យមក​ចូល​តាម​ច្រក​របស់ ខ្លួន​ងាយស្រួល​ឱ្យ​ខ្លួន ក្នុងការ  កើប​យក​ចំណូល​បទល្មើស​សេដ្ឋ កិច្ច​ទៅធ្វើ​មានបាន​ផ្ទាល់ខ្លួន យ៉ាង​ត្រេកត្រអាល​បំផុត មិនគួរ  បើ​លោក អូន ព័ន្ធមុនីរ័ត្ន និង លោក​មេ​គយ​ធំ គុណ ញឹម មើល  រំលង​នោះទេ ៕
​ដោយ​ ៖ ឆ្មាំទ្វារ​ត្បូងឃ្មុំ​

kunnhoem_nousitha

Filed in: ព័ត៌មានជាតិ, ព័ត៌មានថ្មី, ព័ត៌មានសំខាន់, ព័ត៌មានស៊ើបអង្កេត

Recent Posts

Bookmark and Promote!

Leave a Reply

Submit Comment


× nine = 9

© 2019 ស្មារតីជាតិ | National Spirit. All rights reserved. XHTML / CSS Valid.
error: Content is protected !!